„Свесни сме дека во изминатиот период, од трагичниот настан во Кочани па наваму, неколку настани ја брануваа студентската заедница. Поради тоа, се решив да го споделам својот став на темата, конретно насочен кон студентската заедница“, вели Ѓошева во своето обраќање до медиумите и јавноста. По низата случувања во академската заедница во текот на изминатите две недели кои следуваа по трагедијата во кочанската дискотека „Пулс,“ попладнево со став се огласи студентската правобранителка на Универзитетот „Св. Кирил и Методиј“ (УКИМ), Савче Ѓошева.„Свесни сме дека во изминатиот период, од трагичниот настан во Кочани па наваму, неколку настани ја брануваа студентската заедница и што се случува со студентите. Поради тоа, се решив да го споделам својот став на темата, конретно насочен кон студентската заедница. Сметам дека студентите во вакви периоди треба да останат обединети“, вели Ѓошева во своето обраќање до медиумите и јавноста. По трагедијата во Кочани, во понеделникот, на 17 јануари, се одржа собир на платото на УКИМ на кој присуствуваа неколку илјади студенти. Говори на собирот одржаа ректорката на УКИМ, Билјана Ангелова и министерката за образование и наука Весна Јаневска.
За време на говорот на Јаневска, на неколку студенти им се слоши, по што министерката го продолжи говорот. Ова предизвика реакции меѓу собраните студенти кои бараа тишина и ја исвиркаа Јаневска. По ова, таа го прекина својот говор. По овие случувања, се појавија две нови студентски иницијативи – една наречена „Независен студентски сојуз УКИМ“ и друга „Студентски пленум“. „Независниот студентски сојуз“ во понеделникот, 24 март, одржа пленумски собир на кој не беше дозволено снимање од страна на новинари. Пред најавениот почеток на собирот, еден од студентите преку мегафон информираше дека „никој не сака новинар внатре“ и „никој студент не сака сликање“. Студентите претходно се повлекоа во аулата на Филозофскиот и Филолошкиот факултет, каде зад затворени врати го одржаа првиот пленумски собир. Ставот на студентската правобранителка на УКИМ, Савче Ѓошева, го пренесуваме во целост. „Кон студентската заедница Следејќи ги настаните кои ја брануваа студентската заедница предходната недела, не можев а да не се огласам. Предходниот понеделник, на крајно тажен и тензичен собир пред платото на УКИМ кој воопшто не би да се случил доколку системот фукционираше, право на збор си зема самиот систем, односно политичар чиешто место не беше тој ден пред студентите. Лавината на реакции после оваа несовесност на системот, од кои добар дел беа полни со говор на омраза ги сносеше Универзитетското студентско собрание, конкретно Александар Николовски, актуелниот претседател.
Овој понеделник пак, бевме сведоци на студентскиот пленум организиран од Независниот студентски сојуз како што се претставуваат, а кој беше оформен како резултат на незадоволство од говорот на министерката. Токму на тој пленум, она што ми падна во очи кое беше пренесено во медиумите беше студентот кој со мегафон во рака им порача на медиумите дека не се добредедојдени. Во ред, не се добредојдени. Потегот беше непромислен и несоодветен. Во секој случај, и овој студент (без разлика на неговата партиска вклученост) не го заслужи јавниот говор на омраза кој беше проследен на социјалните мрежи. Ниту Александар, ниту студентот не го заслужија јавниот линч во коментари под постови. И двајцата на крајот од денот, се студенти на УКИМ, дел од истата заедница како што сме и сите ние. Како студенти мораме да сфатиме дека во вакви траорни моменти ad hominem аргументи не ни помагаат. Простор треба да има само за конструктивна критика и солидарност. Како единствената група на луѓе во државата, која е слободна да критикува, протестира и бара системски ресет, ние студентите МОРА ДА ОСТАНЕМЕ ЗАЕДНО без поделби и омраза едни кон други. Јавно ги повикувувам студентите да присуствуваат на седниците на факултетските студентски собранија и на УСС и да ги дискутираат работите со нивните легитимно избрани студентски претставници. Кажете им каде грешат, што треба да преземат и како да се постават во иднина. Само вистински активна студентска заедница може да го промени системот. Само КОЛЕКТИВНА ИНИЦИЈАТИВА од млади луѓе отворена за различни мислења може да понуди решенија за нефункционалноста во која сме втурнати. Без етикетирање, без дезинформазии, бидејќи сите ја живееме истата сурова реалност. 60 луѓе ни загинаа. Фокусот треба да е кон нив и нивните фамилии и она што можеме да помогнеме. Фокусот треба да е кон нас и нашето живеење понатаму, но во каков систем? Тоа што преостанува е многу јасно – да ја споделиме маката меѓу себе и студентски, солидарно и силно да бараме од интитуциите, во предавалните, на улиците, систем кој работи за нас.“ Извор: Новинска агенција МЕТА
