Министерот за здравство Арбен Таравари потврди дека има уште една жртва од трагедијата во Кочани. Починатиот, кој беше на лекување во Литванија, имал 40 отсто изгореници, а на 1 април му откажале бубрезите.
„Утрово ја добив лошата вест дека еден пациент е починат во Литванија, најкритичниот од четирите пациенти. Од 1 април му откажа работата на бубрезите, да се надеваме другите критични пациенти дека ќе им се подобри ситуацијата. Кај починатиот пациент имаше 40% изгореници на телото. Инфекцијата беше главниот проблем“ рече предмалку во Липково министерот за здравство Арбен Таравари во врска со смртта на Александар Карадаковски, 60-тиот починат во трагедијата во дискотеката „Пулс“ во Кочани. Од МНР информираат дека е започната процедурата за враќање на телото на пациентот.
