Во судир на автомобили во Куманово вчера попладне се повредени шестмина луѓе, меѓу кои и едно малолетно момче од Хрватска, соопшти МВР.
„На 04.05.2025 во 15.45 часот во СВР Куманово е пријавено дека на крстосница од магистрален пат Куманово – Крива Паланка и ул.„223“ во Куманово се случила сообраќајна несреќа помеѓу патничко возило „фиат“ со кумановски регистарски ознаки, управувано од С.Ц.(71) од с.Алгуња, општина Старо Нагоричане и патничко возило „тојота“ со скопски регистарски ознаки, управувано од 33-годишната Б.С. од Република Хрватска. Во несреќата со тешки телесни повреди се здобиле возачот С.Ц. и неговиот сопатник М.М.(71) од с.Алгуња, а со телесни повреди се здобиле Б.С. и нејзините сопатници Ј.Ј.(32) и З.Т.(59), двајцата од с.Ранковце, општина Ранковце и еден малолетник од Р.Хрватска, констатирани во Општа болница Куманово. Извршен бил увид од увидна екипа од СВР Куманово“, пишува во полициското соопштение.
