Конфликтот меѓу американскиот претседател Доналд Трамп и милијардерот Илон Макс, кои до неодамна тесно соработуваа, се разгори толку многу што веќе не е прашање дали и кога ќе има „примирје“, туку кој ќе победи во оваа сè побрутална кавга и какви последици ќе има за светот.Маск не само што го критикуваше Трамп и неговиот „голем, прекрасен закон“ што републиканците се обидуваат да го наметнат, туку зборуваше за соборување на републиканците кои гласаа за она што тој го нарекува „одвратна гнасотија“. Милијардерот дури истакна на социјалната мрежа X дека ако не била неговата поддршка, Трамп ќе ги изгубел изборите во 2024 година.
Трамп ќе биде претседател уште 3 и пол години, но јас ќе бидам тука повеќе од 40 години – напиша Маск, меѓу другото, на својата платформа.
Со други зборови, тој рече: внимателно размислете што ќе правите следно, бидејќи можеби ќе зажалите, пишува CNN. Значи, под претпоставка дека овој конфликт ќе продолжи, прашањето е кој ги држи картите?
Елон Маск стои до американскиот претседател ДОналд Трамп во Овалната соба / Фото: EPA-EFE/FRANCIS CHUNG / POOL
Нема сомнение дека, доколку треба да изберат, огромното мнозинство републикански моќници би го избрале Трамп. Но, не е сè толку едноставно. Американскиот потпретседател Џ.Д. Венс, во четвртокот, конечно цврсто застана на страната на Трамп, иако не го критикуваше директно Маск. Поранешниот советник на Трамп, Стив Бенон, му предложи на Трамп да го депортира Маск, американски државјанин роден во Јужна Африка.
Иако Маск е релативно нов во политиката, Трамп е веќе многу искусен. Тој ја трансформираше Републиканската партија во партија која се темели многу повеќе на лојалност кон него отколку на идеали и принципи.Сепак, влијанието на Маск не е ни занемарливо. На пример, анкета на Ројтерс и Ипсос од април покажа дека 54 проценти од републиканците имаат „многу добро“ мислење за Трамп, додека 50 проценти го кажале истото за американскиот потпретседател, а 43 проценти за Маск. Значи, Маск беше далеку пред другите влијателни републиканци, како што се министерот за одбрана Пит Хегсет (33 проценти) и поранешниот советник за национална безбедност Мајк Валц (18 проценти).
Маск, исто така, има огромно влијание благодарение на своето богатство и сопственост на можеби најпопуларната социјална мрежа меѓу политичарите – Х (порано Twitter). Тој во минатото докажа дека може да добие поддршка за иницијативи што ги сака или да ги саботира оние што не ги сака.
Тој, исто така, ја покажа својата моќ кога го поврза Трамп со починатиот осуден педофил Џефри Епштајн во четврток, нешто за што американскиот претседател сè уште не зборувал јавно.
И додека Маск не престана да објавува валкани алишта од самиот почеток, на почетокот реториката на Трамп се чинеше поблага, велејќи дека не разбира зошто Маск е лут. Потоа започна и со жестоки вербални удари.
Доналд Трамп и Илон Маск во Тесла/Фото: EPA-EFE/SAMUEL CORUM / POOL
Прво рече дека Маск „го изгубил разумот“, а сега ги праша помошниците и советниците дали веруваат дека однесувањето на милијардерот може да биде поврзано со неговата наводна употреба на дрога. Приватно, тој се обидува да ги разбере острите критики на технолошкиот магнат против него, додека јавно сигнализира дека не му е грижа, изјави извор запознаен со случајот за Си-ен-ен.
Американскиот лидер во петокот рече дека „дури и не размислува за Елон“ и дека нема да разговара со Маск „некое време“.
Трамп исто така изјави дека ќе го „разгледа“ откажувањето на некои владини договори со Маск и тврдеше дека земјата ќе преживее без нив.
Америка може да преживее без секого, освен без мене – рече тој.
