Американскиот претседател Доналд Трамп нареди проширување на мерките за притвор и депортација на имигранти низ целата земја, додека протестите против неговите политики продолжуваат.
Во објава на неговата социјална мрежа Truth Social, Трамп ги повика федералните агенции да „сторат сè што е во нивна моќ“ за да ја спроведат „најголемата програма за масовна депортација во историјата“, наведувајќи ги Лос Анџелес, Чикаго и Њујорк како специфични цели.
„Мораме да ги прошириме напорите за притворање и депортирање на нелегални странци во најголемите градови во Америка, како што се Лос Анџелес, Чикаго и Њујорк, каде што живеат милиони и милиони нелегални странци. Овие и други слични градови се јадрото на демократскиот центар на моќ, каде што тие ги користат нелегалните странци за да ја прошират својата база на гласачи“, рече Трамп.
