Американскиот претседател Доналд Трамп изјави дека не го смета украинскиот претседател Володимир Зеленски за одговорен за војната, но истакна дека „не е негов голем обожавател“. „Не го сметам Зеленски за одговорен, но не сум многу задоволен од фактот што започна оваа војна. И затоа не сум задоволен со него, и не сум задоволен од никого што е вклучен“, истакна Трамп за време на прес-конференцијата во Белата куќа.
„Не го обвинувам, но она што го велам е дека не би рекол дека ја завршил најдобрата работа. Добро? Не сум голем фан“, додаде тој. Тој повтори дека нема шанси рускиот лидер Владимир Путин да ја нападне Украина доколку тој беше претседател во тоа време. Трамп во понеделникот ги обвини Путин, Џо Бајден и Зеленски за војната, по тој редослед. „Бајден можеше да ја запре војната, Зеленски можеше да ја запре војната, а Путин не требаше да ја започне. Милиони луѓе загинаа поради три лица. Да речеме дека Путин е број еден, Бајден, кој немаше поим што по ѓаволите прави, е број два, а Зеленски“, рече тогаш американскиот претседател.
