Осомничени се за убиство на Љ.С. (84) кој што го закопале во близина на неговата куќа. Три лица од кривопаланечко се лишени од слобода од службеници на ОВР Крива Паланка. Тие се сомничат дека го убиле Љ.С. (84) од село Луке, кој на 29.03.2025 бил пријавен за исчезнат.
Лишени од слобода се З.Ф. (24), С.Ф. (19) и С.Ф.(44) од село Луке. Телото на Љ.С. било пронајдено закопано во непосредна близина на неговата куќа во село Луке, а увид извршила екипа од СВР Куманово. По насока на јавен обвинител, телото е предадено за обдукција, а по целосно расчистување и документирање на случајот ќе биде поднесена соодветна пријава. Извор: Новинска агенција МЕТА
