Претседателството на Клубот на пратенички вчера ја одржа својата прва седница. На седницата се разгледа и едногласно се усвои Планот за работа на Клубот на пратенички за 2025 година. Исто така, на седницата се разговараше и беа споделени предлози околу подготовката на пленарната седница по повод 8 Март – Меѓународниот ден на жената, која во последните две години ја организира Собранието. Заклучокот на Претседателството на Клубот на пратенички е на 7 март (петок) да биде организирана пленарна седница и истиот предлог ќе биде доставен до Претседателството на Собранието.
