Од УХМР со предупредување – во попладневните и вечерните часови се очекуваат локални, краткотрајни, но интензивни врнежи од дожд. Особено е потенцирано дека на одредени подрачја, каде што се наоѓаат мали речни сливови и суводолници, може да дојде до нагло зголемување на водостоите. Од УХМР апелираат до граѓаните да бидат крајно внимателни при движење во близина на овие водени површини. Постои реален ризик од излевање или брз воден налет.
Иако врнежите ќе бидат краткотрајни, интензитетот може да биде значителен и да предизвика локални поплавувања или отежнато движење. Ова особено се потенцира за во руралните и ридско-планинските региони. Се препорачува граѓаните навремено да ги планираат своите активности. Да следат официјалните информации и предупредувања од УХМР и надлежните институции.
