Белата куќа објави дека Федералното биро за истраги (ФБИ) му ги вратило на американскиот претседател Доналд Трамп кутиите кои биле запленети за време на истрагата на неговиот имот, по неговиот прв мандат. Не е познато дали кутиите содржеле доверливи материјали, но Трамп го поздрави потегот на Министерството за правда.
„Министерството за правда штотуку ги врати кутиите за кои „лудиот“ Џек Смит направи голема работа. Кутиите сега се враќаат на Флорида и еден ден ќе бидат дел од претседателската библиотека на Трамп, напиша тој на социјалната мрежа „Truth Social“. Судија минатата година го отфрли случајот на Трамп поради доверливи документи, велејќи дека назначувањето и финансирањето на специјалниот советник Џек Смит е незаконско. Смит поднесе оставка во јануари.
