Дел од српските медиуми денеска објавија нови фотографии со кои тие тврдат дека за време на масовните протести во Белград, сепак бил употребен невидлив, звучен напад врз толпата, чии околности допрва треба да се утврдат. Имено и покрај првичното демантирање на српските власти дека употребиле звучен топ, има се повеќе информации кои ги поткрепуваат тврдењата на студентите, наведуваат повеќе српски медиуми. Прво, српскиот министер за полиција Ивица Дачиќ ги демантираше неговите првични тврдења, наведувајќи дека изјавата дека српското Министерство за внатрешни работи нема звучен топ е несмасна. „Овие системи се во нашите магацини во кутии. Тие се во сопственост на Министерството за внатрешни работи, но не се пуштени во употреба, ниту се поставени на некое наше возило или систем“, рече Дачиќ. Потоа, се појавија фотографии од Белград на 15-ти март на кои се гледа направа поставена на возило на белградската жандармерија, што изгледа како звучен топ.
Сега, се појави сведоштво на припадник на Жандармеријата кој тврди дека на протестите во саботата биле распоредени „повеќе звучни топови“. Тој за Danas.rs зборуваше за неговата вмешаност во протестите, но за да го заштити, медиумот не го објави неговото име. „Уредот беше поставен на хаубата на нашето возило Defender, кое колоквијално го нарекуваме Индиец. Тоа е Defender без покрив. До него беше „оператор“ кој беше задолжен за ракување со овој уред. Покрај ова возило, имаше уште едно возило паркирано лево од него со истиот уред. Ни беше објаснето дека овој уред ќе се активира доколку е потребно, како и како да се однесуваме ако се активира“, вели изворот, кој најверојатно ќе биде вклучен во колективната тужба поднесена од студенти и други граѓани погодени од звучниот напад, пишува Нова.рс.
Тој наведува дека не бил единствениот до возилото со звучниот топ, туку до целиот вод на Жандармеријата и дека возилото не можело да се види од улицата, поради оградата околу српскиот парламент. Посочува и дека звучниот топ до кој стоел не бил употребен, но дека не бил единствениот. Тој вели и дека има и мобилни уреди, кои не се поставени на возила.
Evo ekskluzivno i snimak topa i gde se nalazio!
U laži su kratke noge, a duga robija! pic.twitter.com/sqpgJEde7m
— Miran Pogačar (@MiranPogacar) March 19, 2025
Според него, секој одред на жандармеријата (Белград, Нови Сад, Краљево, Ниш) има два такви уреди и дека тоа никогаш не било скриено од членовите, туку дека до овие протести никогаш не биле извадени од базата. „Исто така, ни беше кажано дека е поставен уред во или до Претседателството, и дека трактори паркирани околу Паркот на Пионерите се поставени токму за да се одврати истрелот од топовите доколку се употребат, бидејќи и наши луѓе беа во паркот“, вели тој.
