Екипата на Алклоид е пред пласман во четвртфиналето од ЕХФ Европскиот куп откако денеска го прегази италијанскиот Бриксен со 32:44 и така си обезбеди голема предност пред реваншот. Избраниците на Кире Лазаров имаа контрола во текот на целиот натпревар и стигнаа до својата петтта победа сезонава во Европа откако претходно беа подобри по двапати од: Драгунас Клаипеда и Вест Виена. Победата Алкалоид ја најави уште во првото полувреме кога на голот одлични беа Кизиќ со осум одбрани и Галевски кој одбрани два пенали. На паузата македонскиот претставник водеше со 23:18.
Во вториот дел Алкалоид заигра уште подобро, па немаше проблеми да дојде до нов триумф. Игор Ѓорѓиев беше најефикасен во Алкалоид со седум гола, додека Мартин Серафимов и Александар Петковски имаа по шест. На спротивната страна Де Оливеира Кандидо постигна осум, Арчиери седум гола. Реваншот е закажан за 22 февруари во салата „Автокоманда“ во Скопје. Но, иако денес Алкалоид играшен а гостински терен сепак имаше голема поддршка од Македонците кои живеат во Италија.
