Ватиканските пожарникари се сликани на покривот на Систинската капела како го инсталираат оџакот, клучен момент во подготовката за конклавата закажана за 7 мај.Подготовките за конклавата за избор на нов поглавар на Католичката црква се забрзаа во петокот, со поставувањето на оџакот во Систинската капела, што ќе го означи изборот на наследник на папата Франциск. По секои два круга гласање во Систинската капела, гласачките ливчиња на кардиналите се горат во посебна печка за да се објави резултатот на надворешниот свет.
Пожарникарите во Ватикан го инсталираат оџакот на Сикстинската капела/Фото: EPA-EFE/ETTORE FERRARI Доколку не се избере папа, гласачките ливчиња се мешаат со патрони што содржат калиум перхлорат, антрацен (состојка на катран од јаглен) и сулфур за да се произведе црн чад. Но, ако има победник, горечките ливчиња се мешаат со калиум хлорат, лактоза и хлороформска смола за да се произведе бел чад. Бел чад се издигна од оџакот на петтото гласање на 13 март 2013 година, а кардиналот Хорхе Марио Бергољо беше претставен на светот како папа Франциск кратко потоа од тремот на базиликата „Свети Петар“. Поставен оџакот на Сикстинската капела за Конклавата за избор на нов папа/Фото: EPA-EFE/ETTORE FERRARI Поставувањето на оџакот се врши додека кардиналите пристигнуваа во Ватикан за уште еден ден дискусии пред конклавата за потребите на Католичката црква и за тоа каков папа ѝ е потребен за да ги преземе одговорностите.
