Италијанскиот регион Трентино во соопшти дека во градот Тренто е пронајдена „монументална некропола“ од железното време. Датира од 9 век пр. н. е. а се користел во текот на 6 век пр. н. е. Тренто се наоѓа на реката Адиџе во северна Италија, во близина на италијанските Алпи. Некрополата е развиена во време кога „широкото корито на потокот Ферсина беило пресечено од мрежа на поројни канали кои се испреплетувале еден со друг, разделени со привремени брегови од песок или чакал“, се опишува во издание преведено од италијански на англиски. „Погребниот контекст веројатно се наоѓал помеѓу два канали кои би можеле да се активираат во случај на поплава“, се објаснува во соопштението. „Епизодите од поплави, кои започнале во фазите на користење на некрополата, ја запечатиле античката археолошка стратификација, овозможувајќи исклучително зачувување на погребниот контекст. Различни поплави ја депонирале почвата што и овозможило на некрополата да опстане низ вековите. Официјални лица велат дека локацијата е „совршено сочувана“ благодарение на поплавите. „Оваа околност овозможи детално да се документираат плановите за користење на некрополата и прецизно да се реконструираат погребните практики на заедницата што го окупирала овој простор во раното железно време“, се вели во соопштението.
Истражувачите велат дека главната карактеристика на некрополата се камените плочи кои се користеле во античкиот свет како споменици. Надгробните споменици се поставени вертикално како маркери и „организирани во подпаралелни редови со главна ориентација север-југ“, се вели во соопштението.
Archaeologists uncover ancient ‘city of the dead’ in Italy: ‘Perfectly preserved’ – Fox News https://t.co/eVk4FgefT2
— Deenie (@deenie7940) February 17, 2025
Археолозите пронашле и многу артефакти, вклучувајќи метални артефакти како оружје и украсни предмети. Декоративните предмети имаа дури и влошки од килибар и стаклена паста, што, според официјалните лица, „докажува постоење на влијание и блиски културни врски со италијанската средина“. Археолозите пронашле и „почва за кремирање“ и коски, кои биле „во контејнери направени од лесно расипливи материјали“ кои некогаш биле дрвени гајби. „Се претпоставува дека кремираните останки, често поставени над личните гробни предмети, биле завиткани во ткаенина, од која во некои случаи зачуваните влакна биле затворени со игла или фибула (брош)“, се вели во соопштението. „Во некои гробници, обликот на акумулацијата сугерира присуство на правоаголни дрвени сандаци“, се наведува и се додава: „Откриените гробни предмети се особено богати и служат како показатели за дефинирање на идентитетот, улогите и функциите на социјалната група на која и припаѓале“, пренесува „Фокс њуз“.
