Лидерот на Хамас во Газа, Калил ал Хаја, во денешниот говор рече дека организацијата пред два дена добила нов предлог од египетските посредници и го прифатила. Тој изрази надеж дека Израел нема да преземе дејствија што ќе го поткопаат неговото спроведување.
Изјавата на Ал Хаја дојде веднаш по извештаите дека Хамас се согласил на ослободување на пет израелски заложници во замена за 50-дневен прекин на огнот и ослободување на палестинските затвореници. Претходно денеска кабинетот на израелскиот премиер соопшти дека земјата доставила контрапредлог до посредниците, без да даде дополнителни детали.
