Преку Единствениот повикувачки број за итни случаи 112 во Центарот за управување со кризи(ЦУК) добиле пријава за паднато дрво на ул.,,Анкарска” кај ,,Млечен ресторан”. Паднатото дрво оштетило 3 автомобили. Полиција е на лице место и настанот е пријавен во ЈП ,,Паркови и зеленило” за да го отстранат паднатото дрво од улицата. Исто така, дрвото, при паѓањето, скинало кабли од бандера. Од ЦУК, преку Секторот за операции и координација (СОК), паралелно со известувањето на Полицијата, се известени и координирани надлежните институции за санација на скинатите и откачени кабли.
