Две лица загинаа, а три се тешко повредени во сообраќајна несреќа што се случи во четвртокот вечерта на морскиот брег во градот Фуенгирола, Малага, откако автомобил удрил во столб, а потоа со голема брзина излетал од патот и удрил во тераса на ресторан. По несреќата, 45-годишна Иранка била уапсена поради возење без дозвола и била позитивна на алкохол-тест, пренесува шпанскиот портал Диарио Сур.
Од ударот на автомобилот возилото се одбило и се судрило со друго возило кое доаѓало од спротивна насока. Првиот од многуте поединечни повици до Службата за итна помош било пријавено дека автомобил влетал во тераса на пицерија и удрил во неколку лица. Инцидентот се случил околу 22 часот на Велики четврток кога одморалиштето беше преполно со локални жители и туристи за велигденските празници, објавија шпанските медиуми.
Според соопштението на социјалните мрежи на градскиот совет на Коста дел Сол, во несреќата загинале 47-годишна жена, која била сопатничка во автомобилот во несреќата и 25-годишен пешак. Покрај тоа, уште три лица се „тешко повредени“ на кои им била потребна итна медицинска помош. Локалната полиција на Фуенгирола започна истрага за да ги разјасни причините за несреќата. На местото на настанот се испратени и Националната полиција и пожарникарите.
