Одлуката го активира рокот од 60 дена за избор на нов претседател, како што предвидува уставот. Премиерот Хан Дук-су ќе остане на функцијата вршител на должност претседател сè додека не биде инаугуриран нов лидер. Претседателот на Јужна Кореја, Јун Сук Јол, беше тргнат од функцијата од страна на Уставниот суд, што отвора пат за нови избори откако судот ја потврди импичментската постапка на парламентот поради воведувањето на воена состојба од страна на Јун – потег што предизвика најголема политичка криза во земјата во последниве децении, пренесува Ројтерс. Пресудниот став ја заокружува неколкумесечната политичка нестабилност, која ги засени обидите за справување со администрацијата на американскиот претседател Доналд Трамп, во време на забавен економски раст во четвртата најголема економија во Азија. Одлуката го активира рокот од 60 дена за избор на нов претседател, како што предвидува уставот. Премиерот Хан Дук-су ќе остане на функцијата вршител на должност претседател сè додека не биде инаугуриран нов лидер.
Ли Џе-мјонг, популистичкиот лидер на либералната Демократска партија, кој загуби од Јун со тесна разлика во 2022 година, сега е водечки кандидат, но се соочува со свои правни предизвици поради повеќе судски процеси за корупција. Конзервативците пак, имаат широко отворено поле на потенцијални кандидати. „Унисониот став на Уставниот суд отстрани голем извор на неизвесност,“ изјави професорот Леиф-Ерик Ислеј од Универзитетот Ева во Сеул, истакнувајќи дека новата влада ќе треба да се справи со предизвици како воените закани од Северна Кореја, дипломатскиот притисок од Кина и трговските тарифи на Трамп. Главниот судија, Мун Хјунг-бе, изјави дека Јун ја прекршил својата должност како претседател со прогласувањето на воена состојба на 3 декември, дејствувајќи надвор од уставните овластувања со постапки кои претставуваат „сериозен удар врз демократијата“ „Јун изврши тежок чин на предавство на довербата на народот,“ рече Мун, додавајќи дека неговата одлука предизвика хаос во сите сфери на општеството, економијата и надворешната политика Хјуман Рајтс Воч ја оцени одлуката како победа за отпорноста на земјата, нејзината посветеност на човековите права и демократските вредности. Илјадници луѓе кои протестираа барајќи оставка од Јун, меѓу кои и стотици кои кампуваа преку ноќ, избувнаа во воодушевеност кога ја слушнаа пресудата, скандирајќи „Победивме!“ „Ова траеше долго, но среќа што исходот е разумен,“ рече Ким Хан-сол, 23-годишен студент кој ја следеше пресудата пред судот. Извор: Новинска агенција МЕТА
