Разаличната позиција на Таравари за настапот на локалните избори од колегите Меџити, Касами, и Зеќирија Ибрахими, ги подргреа шпекулациите дека тој е во комуникација со лидерот на опозициската ДУИ Али Ахмети. Амбициите за градоначалнички фотелји, но и за лидерската позиција во коалицијата можно е да предизвика раскол во владејачката Вреди откако лидерот на дел од Алијанса за Албанците Арбен Таравари најави дека е можно Алијанса сама да оди на локалните избори кои треба да се одржат наесен. Лидерот на Беса Билал Касами потврди дека Алијанса сама ќе реши дали со Вреди или сама ќе ги трча изборите. Изет Меџити пак, за „Слободен печат“ вели дека Вреди на изборите ќе оди со заеднички листи за советници, за кандидати за градоначалници и со заеднички изборен штаб. Разаличната позиција на Таравари за настапот на локалните избори од колегите Меџити, Касами, и Зеќирија Ибрахими, ги подргреа шпекулациите дека тој е во комуникација со лидерот на опозициската ДУИ Али Ахмети. Касами вели дека партиите кои ја сочинуваат коалицијата „Вреди“ се со доминантно мислење дека заедно треба да настапат на локални избори, но дека Таравари изнел различно размислување за советнички листи. – Во делот на листите за советници, тој цени дека доколку би отишле посебно секоја партија дел од коалицијата, би собрале повеќе гласови за да го добиеме тој легитимитет и на локалните избори. Но од сите други субјекти во рамките на коалицијата доминира идејата дека вредноста на секој поединечен субјект е поголема како дел од коалицијата отколку ако би биле надвор од коалицијата така да останува Алијанса на Албанци да одлучи дали ќе биде дел од коалицијата на локалните избори или ќе оди посебно – рече Касами по брифинг со новинарите.
Според него, иако има различни мислења во коалицијата „Вреди“ е далеку од примерите од некои партии за коишто рече дека имале поделби при одлучувањата кои резултирале со конфликти. – Доминира идејата дека на следните избори да одиме заедно и за градоначалници и за советници. Добро е тоа што за разлика од претходните процеси каде во рамките на една партија имаше поголеми поделби дури имаше и тепачки и убиства. Во рамките на коалицијата Вреди нема такви поделби до тоа ниво, значи има дебати, има размислувања а поради тоа што има четири субјекти, плус Самоопределување, има и различни размислувања, но јас сум сигурен дека на крај ќе излеземе со еден став – одиме заедно и за градоначалници и за советници – рече Касами. И Меџити е убеден дека ќе има договор за заеднички настап на изборите. -Ќе одиме со заеднички советнички листи, со заедничка листа на кандидати за градоначалници и со заеднички изборен штаб. Вреди има демократски капацитет, се предлагаат повеќе модели, ќе се договориме – ни изјави Меџити. Таравари пак, во телевизиски гостувања потврди дека во коалицијата се во процедура на договарање и се надева дека ќе изнајдат најдобро можно решение за сите да бидат задоволни. -Побарав листи за советници, за Вреди зборувам, да бидат посебни, чисто да мотивираме што повеќе луѓе. Втора опција што сум побарал, трите партии од Вреди да бидат заедно, ние да бидеме посебно. Чисто мислам дека ако ги ставиме сите партии на една листа ќе има револт зошто од оваа партија, зошто од таа партија, и затоа мислам што повеќе имиња имаме на листите за советници, толку повеќе ќе има мотивација кај членовите да лобираат и да бидат активни на изборите – рече Таравари во гостување на Телма.
За односите во „Вреди“, тој рече дека како и во секоја коалиција има недоразбирања, но и конструктивност. Претседателот на Алтернатива Зеќирија Ибрахими е на линија на Меџити и на Касами. Тој преку Фејсбук порача дека „Вреди не е и не треба да биде калкулатор што го пресметува начинот на добивање моќ“. -Идејата за формирање на Вреди беше и останува рушење на гнилиот систем и негова замена со нов систем, ослободен од корупција и со нова визија за претставување. Од опозициско движење во минатото, до владејачка коалиција денес, Вреди не е и не треба да биде калкулатор што пресметува начин на кој се добива власт. Затоа, дебатите за бројки и проценти биле и остануваат периферни прашања во Вреди. Единственото прашање кое е важно, тогаш и сега е дали ние сме тие што ќе го срушат режимот и ќе ја направиме промената? На изминатите избори албанските граѓани ни веруваа и ни дадоа мандат. Следните избори бараат ист одговор. Вредноста е идејата која ВРЕДИ – истакна Ибрахими на Фејсбук.
