100 ГОДИНИ ОД РАЃАЊЕТО НА ГОГА ЗАФИРОСКИ – ЗАФИРО – Роден е во ПРИЛЕП на 7 април 1925 година. Заедно со Киро Грдан е основач на првото радио во Прилеп и прв негов директор, а истовремено бил и спикер, спортски коментатор, новинар, а пред се естраден уметник (пејач). Снимил 4 плочи и околу 140 песни за „Југотон“ и Македонската радио-телевизија. Ќе издвојам некои од песните: „Песна за Прилеп“, „Се зададе темен облак“ (за битката на Ножот во 1907 г.), „Болен ми лежи Миле Поп Јорданов“, „Песна за Мирче и Страшо“, „Песна за Цветан Димов“, „Си заљубив едно моме“, „Болен лежи Катиљ Ѓорѓи“, Калеш Анѓа“, „Дилбер Стана“, „По пат одам за Мариово“, а песните „Зошто си ме мајко родила“ и „Билјана платно белеше“ ги испеа во дует со Есма Реџепова. Почина во 2004 година во Прилеп. (во постот користени фотографии на oldprilep.com). Дел од неговите лични предмети, плочи, награди и признанија, фамилијата Зафироски ги подари и се дел од музичката музејска поставка на НУ „Завод и Музеј“ – Прилеп. Му благодариме и нека му е вечна слава! ПРЕДЛОГ: ИМЕТО НА „ГОГА ЗАФИРОСКИ – ЗАФИРО“ ДА СЕ СТАВИ НА „ПАТЕКАТА НА СЛАВНИТЕ ПРИЛЕПЧАНИ“.
