Со особена гордост го најавуваме новиот стратешки потфат на Adora Business Group — лансирањето на Prime Capital powered by Adora, инвестициска консултантска компанија со седиште на Wall Street во Њујорк, меѓу највлијателните финансиски институции во светот. Овој значаен исчекор е резултат на визионерската посветеност и лидерство на нашиот заменик претседател Душко Чифлиганец.
Нашиот заменик претседател Душко Чифлиганец, со својата визионерска посветеност, висок ентузијазам и нагласено лидерство во деценијата позади нас преку посветена работа и стратешко управување внимателно ја водеше Адора од градежен лидер до диверзифицирана бизнис групација со силно меѓународно присуство и инвестиции во областите на недвижностите, банкарството, енергетиката и меѓународните пазари на хартија од вредност. Она што започна во 1992 година, кога Данка Чифлиганец ја отвори првата приватна аптека и веледрогерија „Адорa“ во Радовиш, прерасна во една од најголемите приватни компании во Северна Македонија.
Создавањето на Prime Capital powered by Adora претставува континуитет на нашата амбициозна глобална визија. Заедно со ко-основачот Иван Ивановски, признат технолошки инвеститор и претприемач, Душко Чифлиганец го води овој бизнис потфат кој има за цел да ги поврзе регионалните инвеститори со глобалните пазари и да отвори нови перспективи за паметно и одговорно инвестирање. Иван Ивановски е инвеститор со длабока експертиза во управувањето со капитал и идентификување на можности со висока додадена вредност. Неговата досегашна работа вклучува основање на Venikom, компанија чијашто технологија ја користат милиони корисници ширум светот, наградена со престижни признанија како Apple Design Award и Webby Award. Дополнително, преку неговата MasterClass програма, досега се едуцирани повеќе од 2.000 инвеститори во напредни стратегии за управување со капитал, што дополнително ја потврдува неговата посветеност на промовирање на финансиската писменост и одговорното инвестирање.
Во Adora веруваме во формула што нè води од самите почетоци: постојана посветеност, скромност, иновации и соработка со најдобрите. Во свет кој постојано се менува, учењето никогаш не престанува, а развојот е континуиран процес. Она што најдобро го знаеме го работиме со страст, а за сè останато се потпираме на партнерства и експертиза. Така растеме и напредуваме. Prime Capital powered by Adora ја одразува нашата долгорочна посветеност кон создавање вредност, иновации и одржлив раст. Во Adora веруваме дека само делата се вистина. Нашиот успех низ годините е резултат на континуирани вложувања, стратешки партнерства и проекти кои ја обликуваат економијата и заедницата. Со овој нов стратешки потфат остануваме доследни на нашата визија за незапирлив развој, континуирано поставувајќи нови стандарди и градејќи иднина што ќе трае со генерации. Од локално лидерство до глобално позиционирање — Adora гордо стои зад визијата на Душко Чифлиганец и го отвора новото поглавје со Prime Capital powered by Adora.
