Висок украински функционер направи помирувачки гест кон американскиот милијардер и извршен директор на „Тесла“, Илон Маск, по жестоките размени околу неговите идеи за решение на конфликтот со Русија.
„Дефинитивно @elonmusk е меѓу најдобрите приватни донатори во светот кои ја поддржуваат Украина“, напиша на Твитер Михаило Федоров, вицепремиер и министер за дигитална трансформација на Украина. „Старлинк е суштински елемент на нашата критична инфраструктура“.
Забелешките се чини дека имаат за цел да повлечат линија на жестоките критики на Маск од страна на некои украински официјални лица, откако тој ги објави идеите за мировно решение со кое Украина ќе го предаде Крим и ќе се согласи на статусот на неутралност.
Напорите да се смират работите доаѓаат откако Си-Ен-Ен објави дека компанијата SpaceX испрати писмо до Пентагон минатиот месец во кое вели дека повеќе не може да продолжи да ја финансира сателитската услуга Старлинк и побара од Пентагон да ја плаќа сметката.
Системот – кој се обезбедуваше бесплатно уште од почетокот на конфликтот – беше суштинска врска за да им се овозможи на украинските сили да одржуваат комуникации.
Набргу по твитот од Федоров, друг висок украински функционер зборуваше за вредноста на системот Старлинк за воените напори на Украина.
Илон Маск синоќа изјави дека неговата ракетна компанија „СпексИкс“ (SpaceX) ќе продолжи да ја финансира нејзината Интернет услуга „Старлинк“ (Starlink) во Украина, само еден ден откако кажа дека веќе не може да си го дозволи тоа заради огромните загуби.
Маск на Твитер напиша: „По ѓаволите…иако Старлинк продолжува да губи пари, а другите компании добиваат милијарди долари од даночните обврзници, ние ќе продолжиме да ја финансираме украинската Влада бесплатно“.
Не е јасно дали понудата на Маск била искрена или саркастична. „СпејсИкс“ не одговори веднаш на барањето за коментар.
Маск во петокот кажа дека „СпејсИкс“ не може да го финансира „Старлинк“ во Украина на неодредено време и побара трошоците во иднина да ги покрива американското Министерство за одбрана-Пентагон.
Оваа услуга им помогна на украинските цивили и војската да останат онлајн за време на војната со Русија.
Маск преку социјалните мрежи претходно се судри со украинските официјални лица околу мировниот план што тој го изнесе, за кој Украина вели дека е премногу дарежлив кон Русија.
