Почитувани граѓани, денеска сме пред Мисијата на Европската унија во
Скопје за симболично да докажеме дека ги поддржуваме ставовите на ЕУ
наспроти последниот скандал со усвојување на Кривичниот законик. Веќе не
е потребно да коментираме и да објаснуваме за да можеме да констатираме
кој ја злоупотребува „Европа“. Тука е евроамбасадорот кој изјавува дека
Европската комисија реагирала за користење на знамето на ЕУ за измените
во Кривичниот законик и дека ЕУ тоа го смета за несоодветно,
објаснувајќи дека тоа е прашање за кое треба да се дискутира, особено
што овие измени претставуваат опасност за правната држава, бидејќи го
отвораат патот за пораст на неказнивоста.
Меѓутоа, како противодговор за Брисел, е изјавата на Али Ахмети од пред
неколку дена дека „и Брисел и Вашингтон, кога ќе влезат во подлабока
анализа, ќе ги разберат причините. Ние сме во процес на скрининг и
промените во правдата се приоритет“. Овој негов одговор не само што ја
навредува интелигенцијата на граѓаните и интелигенцијата на Европската
комисија, туку открива дека злоупотребата станала подмет на оваа тема.
Ние воопшто не сме изненадени од фактот што е злоупотребено европското
знаме. Веќе сме навикнати да се злоупотребуваат знамињата во остварување
на нивните цели и тоа се случува со децении. Така го злоупотребиле и
албанското знаме за да манипулираат со Албанците дека се борат за
нивниот интерес, како што беше и манипулацијата со идејата на албанскиот
премиер, за сега да изјавуваат дека времето на патриотизмот е завршено,
а притоа да прејдат на измените во Кривичниот законик, со образложение
дека тоа е неопходно за реформите во правосудството и тоа е она што ЕУ
го побара од нас. И сега кога дури и ЕУ реагира негативно на оваа
измена, тие повторно излегуваат да манипулираат со оправдувањето „не
грижете се, бидејќи ЕУ и САД не ја сфатиле добро причината на таа измена
во Кривичниот законик и не знаат колку е важна оваа измена“.
Всушност,
на овој начин никој во последните 20 години не ги навредил ЕУ и САД
повеќе од ДУИ.
Како и да е, ова објаснување навистина покренува многу прашања. На
пример, кои министри на Ахмети и на оваа Влада се подобри во анализата
на она што е добро за правдата од експертите од ЕУ, ако навистина се
толку добри во проценување на потребните промени? Каде беа тие 20 години
и која е нивната одговорност за оваа состојба на правдата во нашата
држава? Кое знаме е следно за манипулирање? Дали е време Европа да научи
лекции од „експертите“ и анализите на СДСМ, ДУИ и Алијансата на
Албанците во правосудниот систем? Уште колку нерелевантни измени ќе се
направат под европското знаме? Тоа се прашања кои можеби „експертот за
евроинтеграции“, г. Али Ахмети, може да ги одговори следните денови.
