Како што јави дописникот на МИА од Софија, Стојанов имал средба со холандскиот министер за одбрана и тоа што во моментов било изразено како подготвеност од холандска страна е да се помогне во обука на бугарски пилоти за авионите „Ф-16″.
По состанокот на Советот на ЕУ во Брисел, министерот Стојанов најави и дека Бугарија ќе обучи 60 Украинци за воени медицински лица. Тој прецизираше дека Бугарија ќе учествува и со персонал и со опрема за обука на украинскиот воен персонал во рамките на мисијата за воена помош на ЕУ за Украина, при што ќе бидат обучени вкупно 15 илјади украински воени лица.
Техничкиот министер за одбрана додаде дека се уште се договара каква опрема ќе обезбедат властите во Софија.