Севернокојескиот водач Ким Јонг-ун на свеченоста по повод лансирањето на најголемата севернокорејска балистичка ракета Hwasong-17 се појави со својата ќерка. Ова е втор пат тој да се појави со неа во јавноста и една од ретките прилики кога Ким Јонг-ун може да се види во семејно издание.Таткото и ќерката позирале со војниците, со научниците кои учествуивале во лансирањето на проектилот Hwasong-17.Тој изјави дека крајната цел на неговата земја е да ја поседува најмоќната нуклеарна сила во светот.Ким го објави ова синоќа додека промовираше десетици официјални лица и научници вклучени во неодамнешното лансирање на најголемата севернокорејска балистичка ракета, објавија севернокорејските државни медиуми.Градењето нуклеарна сила служи за сигурна заштита на достоинството и суверенитетот на државата и народот, а нејзината крајна цел е да ја поседува најмоќната стратешка сила во светот, апсолутна моќ без преседан во овој век, нагласи Ким.Северна Кореја минатиот петок тестираше интерконтинентална балистичка ракета Хвасонг-17, објави државната новинска агенција КЦНА. Ракетата достигна височина од 6.000 километри, покривајќи дострел од 1.000 километри и падна на околу 200 километри западно од островот Ошима во северната префектура Хокаидо, соопштија јапонските власти.Ким го нарече Хвасонг-17 најмоќното стратешко оружје во светот и рече дека тоа ја покажува одлучноста и способноста на Северна Кореја на крајот да ја изгради најсилната војска во светот.
