Србија данас, српски интернет портал објави опсежна анализа за биографијата на Талат Џафери, кој вчера беше избран за премиер на техничката влада на Македонија.
Текстот го пренесуваме во целост, интегрално. „Талат Џафери вчера беше избран за претседател на техничката влада на Северна Македонија, со што стана првиот Албанец на чело на Владата во Скопје.
Исто така познат по она што, барем официјално, претпочита да го остави надвор од својата биографија, припадноста на Албанската Националноослободителна армија (ОНА), позната како „македонска ОВК“, која го започна вооружениот конфликт во Северна Македонија во 2001 година.Роден е на 15 април 1962 година во селото Форино кај Гостивар во Северна Македонија. Влегол во Воената гимназија во Белград, а потоа и во Воената академија, студирајќи во Белград и Сараево, а по дипломирањето се здобил со чин втор поручник.
Како што стои во неговата официјална биографија на веб-страницата на македонското Собрание, кариерата во армијата ја започнал во 1985 година, најпрвин во ЈНА, а по осамостојувањето на Македонија, односно од 1992 година, бил активен офицер во Армијата на Република Македонија се до 2001 година кога ѝ се придружил на албанската паравоена ОНА.
Во официјалната биографија нема многу информации за тој период, но се знае дека Џафери бил еден од командантите на албанските бунтовници, кои во 2001 година предизвикаа вооружен конфликт во земјата со напад на безбедносните сили на Северна Македонија.
Неговата 116-та бригада вршеше воени операции во Гостивар, но малку друго се знае за неговите активности.
Тој конфликт траеше речиси цела таа година, во него животот го загубија неколку десетици македонски војници и полицајци, а резултатот беше потпишувањето на Охридскиот договор со кој се гарантираа поголеми права на Албанците.Конфликтот заврши со меѓународно посредништво, па ОНА го предаде оружјето на НАТО. Државата го амнестираше Џафери и неговите другари.
Инаку, политички лидер на сепаратистичката организација ОНА беше Али Ахмети, актуелниот лидер на партијата на Џафери, Демократска унија за интеграција, која стана најпопуларна политичка партија меѓу Албанците во Северна Македонија.Следната година, во 2002 година, Џафери ја започна својата политичка кариера, кога се кандидираше за пратеник од редовите на Демократската унија за интеграција (ДУИ). Тој е избран за заменик и координатор на пратеничката група на таа партија.
Во декември 2004 година е назначен за заменик-министер за одбрана, а функцијата ја извршува до 2006 година.
Две години подоцна е реизбран за пратеник од редовите на ДУИ, како и во 2011 година. За време на третиот пратенички мандат го привлече вниманието на јавноста со тоа што со маратонски говори го блокираше носењето на тогаш контроверзниот Закон за одбрана.
Џафери беше назначен за министер за одбрана на 18 февруари 2013 година, што предизвика остра реакција кај македонските ветерани од конфликтот во 2001 година, кои се заканија со протести бидејќи министерот стана човекот кој се бореше против нив како командант на ОНА.Џафери тогаш изјави дека неговата цел е да ги претвори вооружените сили во „симбол на соживот, толеранција и почитување на различностите“.На следните избори, во 2016 година, тој беше избран по петти пат за пратеник, а на 28 април 2017 година беше избран за претседател на Собранието на Северна Македонија, со мнозинство составено од СДСМ и ДУИ. И тие избори не поминаа без реакција, туку беа непосредна причина за немири во македонскиот парламент.
Граѓаните потоа се собраа пред Собранието, кои се спротивставија на одлуката на тогашниот лидер на СДСМ, Зоран Заев, да формира мнозинство со албанските партии, а некои по изборот на Џафери упаднаа во Собранието. Полицијата реагираше, а билансот беше – повеќе од 100 повредени, цивили и полицајци.
Потоа, по преземањето на должноста претседател на Собранието на 3 мај, Џафери внесе две албански знамиња во кабинетот, што уште еднаш ја вознемири македонската јавност.
Набрзо, сепак, ги тргна, а, како што тогаш пишуваа македонските медиуми, тоа го направил на барање на лидерот на партијата, потпретседателот на ДУИ Али Ахмети, кој од некои амбасадори бил предупреден дека се работи за непотребна провокација.Џафери повторно беше избран за претседател на македонскиот парламент во 2020 година, а сега, според договорот, во последните 100 дена од владата, до изборите, ќе ја предводи техничката влада, чија основна задача е да подготви се за гласачите да излезат на гласање на 8 мај“, ојави Србија данас.
(Србија Данас/Косово-онлајн)
ФОТО:МИА
